ਲੁਧਿਆਣਾ, 19 ਜੂਨ 2017 (ਆਨਲਾਈਨ ਨਿਊਜ਼ ਲੁਧਿਆਣਾ): ਲੁਧਿਆਣਾ ਪੁਲਿਸ ਨੇ ਮੁਸ਼ਤੈਦੀ ਤੋਂ ਕੰਮ ਲੈਂਦਿਆਂ ਬੀਤੇ ਦਿਨੀਂ ਸਥਾਨਕ ਜਲੰਧਰ ਬਾਈਪਾਸ ਕੋਲੋਂ ਕੁੱਟਮਾਰ ਕਰਕੇ ਖੋਹੀ ਕਾਰ ਬਰਾਮਦ ਕਰਨ ਅਤੇ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰਨ ਵਿੱਚ ਸਫ਼ਲਤਾ ਹਾਸਿਲ ਕੀਤੀ ਹੈ। ਕਾਬੂ ਕੀਤੇ ਗਏ ਦੋਸ਼ੀਆਂ ਪਾਸੋਂ ਖੋਹੀ ਹੋਈ ਕਾਰ ਸਮੇਤ ਦੋ ਕਾਰਾਂ, ਇੱਕ ਖਿਡੌਣਾ ਪਿਸਤੌਲ ਅਤੇ ਇੱਕ ਗੰਡਾਸਾ ਬਰਾਮਦ ਕੀਤਾ ਗਿਆ ਹੈ। ਕਾਬੂ ਕੀਤੇ ਗਏ 5 ਦੋਸ਼ੀਆਂ ਵਿੱਚੋਂ 4 ਖ਼ਿਲਾਫ਼ ਪਹਿਲਾਂ ਹੀ ਵੱਖ-ਵੱਖ ਧਾਰਾਵਾਂ ਤਹਿਤ ਕਈ ਮਾਮਲੇ ਦਰਜ ਹਨ।